QUATUORDECIM

QUATUORDECIM

apud Senecam, de Benefic. l. 3. c. 9. in quatuordecim deduxisse: absolute, pro Quatuordecim Ordines, seu Quatuordecim Gradus, iidem cum Equestribus, sedes videl. seu gradus Theatrales, in quibus non nisi Equitibus spectandi ius erat. Erant illi scenae propiores, unde clarius atque expressius actores exaudiebantur. Et quidem cum sedendi in Theatro variâsset saepius ratio, sub C. Caesare, qui non tam ex opibus natlalibusque quam ex virtute ac meritis et in Senatum et in Equestrem ordinem multos legisset, tantum multitudinis nequivit XIV. ordinibus capi. Contra Otho Tribunus Pleb. pro censu locatis civibus, exclusit a primi XIV. ordinibus eum, cui ipsi, patrique avoque quadragies sestertiûm non fuisset. Item qui artem ludicram exercuisset. Idem voluntarios decoctores totô Theatrô abstinere iussit. Idque ut servaretur, per cuneos disposuit, quos Praefectos ordinum appellabant, qui excitarent de sede, quam quis contra legem occupâsset. Cuiusmodi munere functus est Domitiani, qi legem desuetudine mutatam revocavit, aevô, Oceanus, item Lectius, Martialis carminibus notissimi. Erant porro in his Ordinibus subsellia. Unde Martialis, l. 5. Epigr. 28. v. 1.

Bis septena tibi non sunt subsellia tanti etc.

ad quem locum vide Heraldum, plura vero de his gradibus, apud Iul. Caes. Scaligerum, Poetic. l. 1. c. 21. et supra in voce Equestria.